Noticias

CONDUCIENDO CON RESPONSABILIDADE E DIABETES

O pasado sábado, no Hotel Almirante Ferrol, tivemos unhas charlas moi interesantes.

A primeira delas: Conduciendo con responsabilidade e diabetes, indícanos a importancia e obligación de declarar esta condición á hora de renovar o carnet de conducir, así como a necesidade de levar suplementos que nos remonten ante unha hipoglucemia e non seguir ao volante se nos atopamos mal.

A continuación o presidente de ALCER Coruña falóunos da Enfermedad Renal Crónica, por desgracia asociada nalgúns casos á diabetes e a importancia da doazón de órganos

Por último, o presidente da nosa asociación presentóunos o proxecto CRECER SEN DIABETES, unha iniciativa enfocada no diagnóstico precoz da diabetes tipo I

XORNADA 14 DE NOVEMBRO

A xornada do 14 de novembro, dedicámola a promover a concienciación e prevención da diabetes e estivemos a informar, a todos aqueles que se achegaron ás nosas mesas, sobre a importancia de levar unha vida saudable.


Queremos agradecer o apoio ofrecido aos responsables e traballadores tanto do Hospital Arquitecto Marcide como do C.S. de Caranza,así como aos estudantes do grao de Enfermería e Podoloxía da Facultade de Enfermaría e Podoloxía, Universidade da Coruña por estar aí un ano máis poñendo os seus coñecementos á nosa disposición

DÍA MUNDIAL DA DIABETES 2025

Como xa sabedes o próximo 14 de novembro conmemórase o Día Mundial da Diabetes.
Continuando co tema escollido para o período 2024-2026, este ano dedícase ao Benestar no traballo xa que a pesar dos avances tecnolóxicos e médicos que nos permiten ás persoas con diabetes levar unha vida máis saudable e ter un maior control sobre a nosa enfermidade,  seguímonos atopando con problemas á hora de acceder a determinados postos de traballo o que nos leva, algunhas veces, a ocultar a nosa condición antes de ser discriminados laboralmente.

Este descoñecemento sobre a diabetes e a falta de apoio na contorna laboral, xera ansiedade e falta de confianza para integrarse no grupo de traballo, impactando negativamente no noso benestar emocional.

Convidámosvos a tod@s a participar nas  actividades programadas pola nosa asociación.
O mesmo día 14 estaremos no Hall do Arquitecto Marcide con mesas informativas  e revisión do pé diabético coa colaboración d@s alumn@s Facultade de Enfermaría e Podoloxía e o sábado 15, tres interesantes charlas no Hotel Almirante.

Haciendo camino

A Asociación únese ao proxecto da Federación Española de Diabetes (FEDE) e a Fundación para a Saúde Novo Nordisk España (FSNN) no reto para percorrer os últimos 101,7 km do Camiño Portugués pola Costa ata Santiago de Compostela.

#HaciendoCamino ten como obxecto visibilizar a diabetes e mostrar que ter diabetes non é un impedimento para levar unha vida activa e saudable.

Ao finalizar cada etapa profesionais da saúde imparten sesións educativas sobre o control da diabetes, alimentación, exercicio físico… porque Facendo o Camiño non só consiste en camiñar, senón en recibir a formación necesaria para afrontar o noso día a día coa diabetes.

O vindeiro domingo 21 de setembro, alcanzaremos a meta ao chegar á Praza do Obradoiro en Santiago de Compostela, despois de pasar por localidades como Redondela, Pontevedra, Caldas de Reis e Padrón…

ACADEMIA ARESXSALUD CEAS SAUDABLES

Hoxe estivemos en Ares xunto con OÍDO COCIÑA elaborando ceas saudables, nunha actividade coordinada co Concello de Ares e #RECAPS Ferrol, porque unha alimentación sa non ten por que ser aburrida.


Levar unha vida activa e saudable prevén ou retrasa a aparición de diabetes tipo II, por iso é moi importante a implicación das administracións nas tarefas de divulgación.


Moitas grazas por contar connosco nesta ocasión

 

COIDÁNDOTE CADA DÍA

Este sábado, 31 de maio, un novo taller dirixido a personas con diabetes tipo I, onde o noso educador en diabetes falaranos do manexo das insulinas e como funcionan no noso corpo.
Uns coñecementos moi necesarios que nos axudarán a controlar as nosas glucemias

SABORES QUE COIDAN

O venres, 9 de maio, no local OÍDO COCIÑA de Narón, realizamos un taller de cocina onde elaboramos un menú completo e saudable.

Cando pensamos en dieta sa, pensamos en comida pouco apetecible. Pero isto non ten por que ser así, senón mirade qué boa pinta teñen estos pratos